EXPOSICIÓN SOBRE O CAMBIO CLIMÁTICO NO CONCELLO

Exposición «O Noso Mundo, O Noso Futuro, A Nosa Opción», estará aberta ao público no Concello desde o vindeiro luns, día 3 de outubro ata o 17 de outubro nos baixos da Casa do Concello.

Esta exposición pretende dar a coñecer a todos os galegos e galegas o problema ambiental do cambio climático, informando sobre as súas causas e consecuencias a nivel global e tamén en Galicia. Ademais intenta estimular a participación e reflexión dos visitantes propoñendo novos comportamentos comprometidos e accións positivas co clima que loiten contra o cambio climático e fomenten un desenvolvemento máis equilibrado, social e ambientalmente.

O CONCELLO PRESENTA "PREESCOLAR NA CASA" PARA 2011-2012

A Concellería de Servizos Sociais e Igualdade presentou o día 29 de setembro ás familias o programa "Preescolar na Casa".

O obxectivo de este programa é contribuír á formación de pais con nenos entre 0 e 3 anos co fin de axudar a desenvolver plenamente as capacidades dos seus fillos a través da reflexión sobre o acontecer da vida diaria.

Esta actividade levase a cabo en colaboración coa Concellería de Traballo e Benestar e a Fundación Preescolar na Casa. Manterase a actividade como en anos anteriores sen minorar os días nin as horas.

Serán en Lestrobe os luns alternos de 16h a 18h e en Imo os martes alternos de 16,30h a 18,30h. O programa arranca o próximo luns día 3 de outubro.