CONGRESO LOCAL DO PARTIDO POPULAR DE DODRO O 15 DE MARZO DE 2.014

O COMITÉ ORGANIZADOR DO CONGRESO ESTÁ FORMADO POR:

Presidente:

Fernando Vila Brión

Secretaria:

Mª Soledad Boga Grela

Voais:

Maximino Rodríguez Borrazas

Mª del Carmen Fernández Chaves

Jose Baleirón Rey

REGULAMENTO PARA O CONGRESO

DISPOSICIÓNS XERAIS

Artigo 1º

De conformidade cos vixentes Estatutos e Regulamento de Organización do Partido Popular e segundo acordo do Comité Executivo Provincial de data de 28 de Xaneiro  de 2014, convócase o Congreso Extraordinario do Partido Popular de Dodro, a celebrar o día 15 de Marzo de 2014 no Auditorio da Paxareira en Dodro a partir das 11:30 h. 

Artigo 2º

Encoméndase á Comisión Organizadora nomeada polo Comité Executivo Provincial, o impulso, coordinación e dirección de todos os aspectos organizativos do Congreso.

A Comisión Organizadora, estará integrada por un Presidente, un Vicepresidente, un Secretario e dous Vocais.

A Comisión Organizadora do Congreso debaterá e aprobará, se procede, a programación concreta e cantos outros acordos cumpran para o desenvolvemento do presente Regulamento, aclarar, concretar e, en definitiva, asegurar a adecuada preparación e celebración do Congreso.

Os seus acordos deberán ser adoptados por maioría e das súas reunións levantaranse as correspondentes actas de cuxo contido se dará traslado aos órganos do Partido. 

Artigo 3º

En consecuencia todo o relativo á organización e funcionamento do Congreso rexerase polo presente Regulamento, e os acordos do Comité Organizador adoptados en desenvolvemento do mesmo.

Durante a celebración do Congreso, ditas competencias serán asumidas polo presidente, que dará conta á Mesa do Congreso. 

TÍTULO PRIMEIRO 

COMPETENCIAS E COMPOSICIÓN DO CONGRESO 

Artigo 4º

De conformidade ao establecido nos Estatutos, o Congreso é o órgano supremo do Partido en Dodro, define os principios, fixa os programas e estratexias e elixe os representantes nos órganos de dirección do partido. 

Artigo 5º

As competencias do Congreso son as que se determinan nos Estatutos do Partido.

Artigo 6º

Serán compromisarios todos os afiliados ao Partido no concello de Dodro que asistan ao Congreso e que, tendo a condición plena de afiliado, de acordo co sinalado no artigo 4º dos Estatutos do Partido, non se atopen suspendidos de militancia, ou teñan restrinxidos os seus dereitos por algunha outra causa.

 

TÍTULO SEGUNDO 

FUNCIONAMENTO DO CONGRESO 

Artigo 7º

A Comisión Organizadora declarará validamente constituído o Congreso na hora, data e lugar da súa convocatoria, independentemente do número de afiliados presentes, seguíndose, a partires dese momento o programa que fose aprobado polo Comité Organizador. 

Artigo 8º

No acto inaugural do Congreso, a Comisión Organizadora propoñerá ao Pleno a composición da Mesa, que deberá ser ratificada por maioría simple. Se non se aceptase a proposta, abrirase un prazo de 30 minutos, durante os que se poderán presentar candidaturas completas para a Mesa, avaladas por un 15% dos asistentes como mínimo, non podendo avalarse por cada asistente máis de unha candidatura. Será elixida a candidatura que obteña máis votos. 

Artigo 9º

A Mesa estará composta por un Presidente, un Vicepresidente, un Secretario e dous Vocais, todos eles afiliados. 

Artigo 10º

Constituída a Mesa do Congreso, esta deberá anunciar o oportuno acordo de aprobación do Regulamento, dando lectura ás disposicións que terán que rexer os traballos do mesmo. 

Artigo 11º

A Mesa do Congreso dirixirá, moderará e ordenará os debates, velando en todo momento pola boa marcha do Congreso.

As decisións da Mesa adoptaranse por maioría simple, tendo o Presidente, en caso de empate, voto de calidade.

Corresponde á Mesa cumprir e facer cumprir o Regulamento do Congreso, interpretando en casos de dúbida e suplilos nos de omisión. 

Artigo 12º

Corresponde ao Presidente, no nome da Mesa, abrir, dirixir, suspender e levantar a sesión; autorizar o uso da palabra e fixar, á vista das peticións de intervención, o número máximo de intervencións e a duración das mesmas.

 

TÍTULO TERCEIRO 

O ÓRGANO DIRECTIVO E A SÚA ELECCIÓN 

Artigo 13º

O Congreso elixirá en lista cerrada ao Presidente e ós vocais do Comité Executivo, en número mínimo de vintedous, mediante sistema de voto maioritario a unha soa volta.

Ningún afiliado poderá figurar en dúas ou máis candidatura, nin avalar coa súa firma máis de unha.  

Artigo 14º

Poderán ser elixidos membros do Comité Executivo Local aqueles afiliados ao Partido Popular que figuren no Censo do Partido. 

Artigo 15º

A elección do Comité Executivo farase mediante lista pechada e votación secreta, utilizando listados e furnas facilitadas pola Comisión Organizadora. 

Artigo 16º

O prazo máximo para a presentación de candidaturas será o 13 de Marzo ás 21:30 horas no local do Partido Popular de Dodro. 

Artigo 17º

As candidaturas gardarán a forma recollida polos Estatutos e estarán avaladas por, alomenos, 15 sinaturas de afiliados.

A Comisión Organizadora deberá elaborar e aprobar un modelo de aval. O impreso para a recollida de avais seralle facilitado ao representante de cada candidatura, sendo necesario para a expedición do referido impreso que o dito representante preinscriba diante da Comisión Organizadora unha candidatura composta, alomenos por un candidato a Presidente e vintedous vocais, candidatura que será pública e accesible ao coñecemento de todos os posibles avalistas, a data para a preinscribir a candidatura e polo tanto solicitalos impresos de avais ábrese a partir do día 28 de Febrero, tendo que facerse no Local do PP de Dodro  no seu horario ordinario. Os integrantes de cada candidatura deberán firmar a mesma e acompañar copia do DNI. Antes de proceder a expedición do impreso de avais, a Comisión Organizadora comprobará que os integrantes de  cada candidatura cumpren cos requisitos correspondentes. Non se admitirán avais que non figuren no modelo oficial aprobado pola Comisión. 

Artigo 18º

Os/as candidatos/ das candidaturas presentadas en tempo e forma, farán unha exposición previa á votación do seu programa, do seu plan de actuación e da súa candidatura, durante o tempo fixado pola Mesa do Congreso, que determinará a orde de intervención. 

Artigo 19º

Para a votación constituirase unha Mesa Electoral, que estará formada por un Presidente e un Secretario, nomeados pola Comisión Organizadora do Congreso e ás que se poderá incorporar un interventor por cada candidatura proclamada. 

Artigo 20º

Queda prohibido facer campaña ou distribuír papeletas sinaladas no interior do recinto no que se celebren as votacións.

Aquelas persoas ou grupos de persoa que incumpran o disposto no parágrafo anterior poderán ser obxecto do procedemento disciplinario recollido nos Estatutos do Partido. 

Artigo 21º

Os asistentes, no momento de depositar o seu voto, acreditarán a súa identidade, mediante DNI, pasaporte ou carné de conducir orixinais. 

Artigo 22º

Unha vez finalizada a votación as Mesas Electorais farán os correspondentes escrutinios que serán remitidos á Mesa do Congreso, que anunciará os resultados e proclamará a candidatura que obteña máis votos válidos. No caso de que só se presente unha candidatura, o Presidente da Mesa poderá solicitar da Asemblea a súa proclamación por aclamación, non efectuándose, neste caso, votación algunha. 

TÍTULO CATRO 

IMPUGNACIÓNS 

Artigo 23º

Para as impugnacións que afecten ao desenvolvemento do Congreso, será competente o Comité de Dereitos e Garantías de Galicia. Estas impugnacións presentaranse nun prazo máximo de corenta e oito horas desde a finalización do Congreso. 

Artigo 24º

O procedemento para realizar as impugnacións será o seguinte: as impugnacións serán presentadas diante da Mesa, que resolverá durante a celebración do Congreso, incluíndo na Acta as modificacións nas que se fundamenta a súa resolución. A resolución da Mesa será apelable diante do Comité de Dereitos e Garantías de Galicia, no prazo máximo de corenta e oito horas, despois da celebración do Congreso.